jo dil-nawaz ho apna wo dilruba na mila

jo dil-navāz ho apnā vo dilrubā na milā

sitam-pasand milā dard-āshnā na milā

ġharīb Duub gayā bahr-e-ġham ke tūfāñ meñ

vo jis ko dab ke ubharne kā hausla na milā

jhukā sake na mire dil ko ahl-e-dair-o-haram

ḳhudā ke ghar meñ ḳhudā kī qasam ḳhudā na milā

vo ek tum ho ki sāhil milā baġhair talab

vo ek maiñ huuñ ki tinke kā aasrā na milā

ḳhudā kā shukr hai 'mohsin' ki mil ga.ī manzil

bhalā huā ki hameñ koī rahnumā na milā

jo dil-nawaz ho apna wo dilruba na mila

sitam-pasand mila dard-ashna na mila

gharib Dub gaya bahr-e-gham ke tufan mein

wo jis ko dab ke ubharne ka hausla na mila

jhuka sake na mere dil ko ahl-e-dair-o-haram

KHuda ke ghar mein KHuda ki qasam KHuda na mila

wo ek tum ho ki sahil mila baghair talab

wo ek main hun ki tinke ka aasra na mila

KHuda ka shukr hai 'mohsin' ki mil gai manzil

bhala hua ki hamein koi rahnuma na mila