jo dil se zamzama-e-nala-e-sahar aae

jo dil se zamzama-e-nāla-e-sahar aa.e

naved-e-maqdam-e-ījāb-e-pur-asar aa.e

huī hai lazzat-e-duniyā-e-dard phir paidā

harīm-e-dil meñ vo darmāñ ko phir utar aa.e

ilāhī josh-e-tamannā kī ye farāvānī

nigāh-e-shauq hijāb-e-darūñ meñ dar aa.e

bhaTak ke chal basā āvāra-e-junūñ āḳhir

salām us ko agar koī rāhbar aa.e

jabīñ rahīn-e-sujūd-e-niyāz hai lekin

muqābla meñ kisī kā to sang-e-dar aa.e

kiye haiñ jam.a kuchh ambār dil-faroshoñ ne

koī ba-sair-e-tamāshā-e-rahguzar aa.e

'anīs' manzil-e-hastī kā kyā nishāñ miltā

idhar se chaar ga.e do udhar se gar aa.e

jo dil se zamzama-e-nala-e-sahar aae

nawed-e-maqdam-e-ijab-e-pur-asar aae

hui hai lazzat-e-duniya-e-dard phir paida

harim-e-dil mein wo darman ko phir utar aae

ilahi josh-e-tamanna ki ye farawani

nigah-e-shauq hijab-e-darun mein dar aae

bhaTak ke chal basa aawara-e-junun aaKHir

salam us ko agar koi rahbar aae

jabin rahin-e-sujud-e-niyaz hai lekin

muqabla mein kisi ka to sang-e-dar aae

kiye hain jama kuchh ambar dil-faroshon ne

koi ba-sair-e-tamasha-e-rahguzar aae

'anis' manzil-e-hasti ka kya nishan milta

idhar se chaar gae do udhar se gar aae