jo dua thi wo be-asar Thahri

jo duā thī vo be-asar Thahrī

har ḳhushī itnī muḳhtasar Thahrī

vo achānak bichhaḌ ga.e sab se

dil kī dhaḌkan bhī is qadar Thahrī

apnī bastī ujāḌne vaale

tujh ko is baat kī ḳhabar Thahrī

hashr barpā kiyā judā.ī par

kis qayāmat kī chashm-e-tar Thahrī

ham to behāl ho ga.e hote

shā.irī un kī chārāgar Thahrī

jo dua thi wo be-asar Thahri

har KHushi itni muKHtasar Thahri

wo achanak bichhaD gae sab se

dil ki dhaDkan bhi is qadar Thahri

apni basti ujaDne wale

tujh ko is baat ki KHabar Thahri

hashr barpa kiya judai par

kis qayamat ki chashm-e-tar Thahri

hum to behaal ho gae hote

shairi un ki chaaragar Thahri