jo duhai de raha hai koi saudai na ho
jo duhā.ī de rahā hai koī saudā.ī na ho
apne hī ghar meñ kisī ne aag dahkā.ī na ho
rāste meñ is se pahle kab thā itnā azhdahām
jo tamāsha ban rahā hai vo tamāshā.ī na ho
jo milā nazreñ churā kar chal diyā ab kyā kaheñ
shahr meñ rah kar kabhī itnī shanāsā.ī na ho
apnī hī āvāz par chauñke haiñ ham to baar baar
ai rafīqo bazm meñ itnī bhī tanhā.ī na ho
maiñ shuā-e-mahr kā maarā sahī lekin yahāñ
kaun hai yaaro jo is sūraj kā shaidā.ī na ho
guñg bhī haiñ dekh kar badle hue manzar yahāñ
aur aisā bhī nahīñ ham meñ ki goyā.ī na ho
maiñ to apnī zaat kā ik reza-e-gum-gashta huuñ
vo mujhe DhūñDegā kyā jo merā shaidā.ī na ho
jo duhai de raha hai koi saudai na ho
apne hi ghar mein kisi ne aag dahkai na ho
raste mein is se pahle kab tha itna azhdaham
jo tamasha ban raha hai wo tamashai na ho
jo mila nazren chura kar chal diya ab kya kahen
shahr mein rah kar kabhi itni shanasai na ho
apni hi aawaz par chaunke hain hum to bar bar
ai rafiqo bazm mein itni bhi tanhai na ho
main shua-e-mahr ka mara sahi lekin yahan
kaun hai yaro jo is suraj ka shaidai na ho
gung bhi hain dekh kar badle hue manzar yahan
aur aisa bhi nahin hum mein ki goyai na ho
main to apni zat ka ek reza-e-gum-gashta hun
wo mujhe DhunDega kya jo mera shaidai na ho
- Book : Range-e-Gazal (Pg. 145)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
