jo ek umr se mahfuz tha nagin mere pas

jo ek umr se mahfūz thā nagīñ mire paas

zarūrat aan paḌī hai to ab nahīñ mire paas

ḳhudā kare ki inheñ bhī koī churā le jaa.e

ye chand qīmtī chīzeñ jo rah ga.iiñ mire paas

tamām raat isī maḳhmase meñ guzrī hai

ki shab tavīl hai aur koī bhī nahīñ mire paas

vo hastiyāñ ki umīdeñ thiiñ jin se vābasta

na koī sukh hī uThāyā na vo rahīñ mire paas

ḳhudā kī itnī baḌī kā.enāt meñ 'mehdī'

na āsmān hai sar par na hai zamīñ mire paas

jo ek umr se mahfuz tha nagin mere pas

zarurat aan paDi hai to ab nahin mere pas

KHuda kare ki inhen bhi koi chura le jae

ye chand qimti chizen jo rah gain mere pas

tamam raat isi maKHmase mein guzri hai

ki shab tawil hai aur koi bhi nahin mere pas

wo hastiyan ki umiden thin jin se wabasta

na koi sukh hi uThaya na wo rahin mere pas

KHuda ki itni baDi kaenat mein 'mehdi'

na aasman hai sar par na hai zamin mere pas