jo falsafa-o-danish-o-hikmat ne tarashe

jo falsafa-o-dānish-o-hikmat ne tarāshe

vo nit-na.e asnām bhī ham toḌ ke ḳhush haiñ

farsūda rivāyāt ke pāband raheñ kyuuñ

har rahguzar-e-ām ko ham chhoḌ ke ḳhush haiñ

zindān-e-anāsir hī pe mauqūf nahīñ kuchh

zanjīr-e-shab-o-roz bhī ham toḌ ke ḳhush haiñ

afsāna-e-dil hai bhī nahīñ bhī hai mukammal

ik aise hasīñ moḌ pe ham chhoḌ ke ḳhush haiñ

mast-e-mai-e-pindār haiñ jo aur haiñ vo log

ham log to TuuTe hue dil joḌ ke ḳhush haiñ

afsurda-o-pazhmurda-o-nākām raheñ kyuuñ

ham gardish-e-ayyām kā ruḳh moḌ ke ḳhush haiñ

jo falsafa-o-danish-o-hikmat ne tarashe

wo nit-nae asnam bhi hum toD ke KHush hain

farsuda riwayat ke paband rahen kyun

har rahguzar-e-am ko hum chhoD ke KHush hain

zindan-e-anasir hi pe mauquf nahin kuchh

zanjir-e-shab-o-roz bhi hum toD ke KHush hain

afsana-e-dil hai bhi nahin bhi hai mukammal

ek aise hasin moD pe hum chhoD ke KHush hain

mast-e-mai-e-pindar hain jo aur hain wo log

hum log to TuTe hue dil joD ke KHush hain

afsurda-o-pazhmurda-o-nakaam rahen kyun

hum gardish-e-ayyam ka ruKH moD ke KHush hain