jo faqat shoKHi-e-tahrir bhi ho sakti hai

jo faqat shoḳhi-e-tahrīr bhī ho saktī hai

vo mire paañv kī zanjīr bhī ho saktī hai

sirf vīrāna hī ġhamgīnī kā baa.is to nahīñ

ahd-e-māzī kī vo tasvīr bhī ho saktī hai

chashm-e-hasrat se jo Tapkī hai lahū kī ik buuñd

sub.h-e-ummīd kī tanvīr bhī ho saktī hai

ranj-o-ġham Thokareñ māyūsī ghuTan be-zārī

mere ḳhvāboñ kī ye ta.abīr bhī ho saktī hai

bad-gumāñ hai to vahī morid-e-ilzām ho kyuuñ

kuchh na kuchh to mirī taqsīr bhī ho saktī hai

hosh qaa.em raheñ tūfān-e-havādis meñ agar

bach nikal jaane kī tadbīr bhī ho saktī hai

tīrgī baḳht kī samjho na use tum 'aḳhtar'

multafit zulf-e-girah-gīr bhī ho saktī hai

jo faqat shoKHi-e-tahrir bhi ho sakti hai

wo mere panw ki zanjir bhi ho sakti hai

sirf virana hi ghamgini ka bais to nahin

ahd-e-mazi ki wo taswir bhi ho sakti hai

chashm-e-hasrat se jo Tapki hai lahu ki ek bund

subh-e-ummid ki tanwir bhi ho sakti hai

ranj-o-gham Thokaren mayusi ghuTan be-zari

mere KHwabon ki ye tabir bhi ho sakti hai

bad-guman hai to wahi morid-e-ilzam ho kyun

kuchh na kuchh to meri taqsir bhi ho sakti hai

hosh qaem rahen tufan-e-hawadis mein agar

bach nikal jaane ki tadbir bhi ho sakti hai

tirgi baKHt ki samjho na use tum 'aKHtar'

multafit zulf-e-girah-gir bhi ho sakti hai