jo gul hai yan so us gul-e-ruKHsar sath hai

jo gul hai yaañ so us gul-e-ruḳhsār saath hai

kyā gul hai vo ki jis ke ye gulzār saath hai

to mast shab añdherī aur aġhyār saath hai

jo dil meñ aave kah ye gunahgār saath hai

ḳhāmosh andalīb-e-chaman tujh se kiyā hai bahs

apnā suḳhan to murġh-e-giraftār saath hai

paiġhām us nigah kā ki jis meñ hai bū-e-mehr

kyā jaane kis ke āḳhirī dīdār saath hai

uqda na ye khulā ki mire dil sā pahlavān

tujh zulf ke bañdhā huā ik taar saath hai

karte to ho mire maraz-e-dil kā tum ilaaj

yaaro jo dil yahī hai to āzār saath hai

'saudā' ke haath kyūñ-ke lage vo matā-e-husn

le nikleñ jis ko ghar se to bāzār saath hai

jo gul hai yan so us gul-e-ruKHsar sath hai

kya gul hai wo ki jis ke ye gulzar sath hai

to mast shab andheri aur aghyar sath hai

jo dil mein aawe kah ye gunahgar sath hai

KHamosh andalib-e-chaman tujh se kiya hai bahs

apna suKHan to murgh-e-giraftar sath hai

paigham us nigah ka ki jis mein hai bu-e-mehr

kya jaane kis ke aaKHiri didar sath hai

uqda na ye khula ki mere dil sa pahlawan

tujh zulf ke bandha hua ek tar sath hai

karte to ho mere maraz-e-dil ka tum ilaj

yaro jo dil yahi hai to aazar sath hai

'sauda' ke hath kyun-ke lage wo mata-e-husn

le niklen jis ko ghar se to bazar sath hai