jo gum-gashta hai uski zat kya hai

jo gum-gashta hai us kī zaat kyā hai

ġharīb-e-shahr kī auqāt kyā hai

saroñ par sāya-e-āfāt kyā hai

jo kaTtī hī nahīñ vo raat kyā hai

na hone aur hone kī haqīqat

savāl-e-nafī-o-isbāt kyā hai

jamī hai gard kī tah bastiyoñ par

havā ke haath meñ sauġhāt kyā hai

hiqārat meñ bujhe kuchh tīr-o-nashtar

mire kashkol meñ ḳhairāt kyā hai

bujhā paa.eñ na un ko oḌh paa.eñ

guzishta mausamoñ kī baat kyā hai

kabhī dekhā na us ko bār-āvar

hamārī fasl-e-imkānāt kyā hai

varaq par kyuuñ utarte haiñ sharāre

lahū meñ sho.ala-e-jazbāt kyā hai

ubharte Dūbte rahte haiñ saa.e

tamāshā ek sā din raat kyā hai

jo gum-gashta hai us ki zat kya hai

gharib-e-shahr ki auqat kya hai

saron par saya-e-afat kya hai

jo kaTti hi nahin wo raat kya hai

na hone aur hone ki haqiqat

sawal-e-nafi-o-isbaat kya hai

jami hai gard ki tah bastiyon par

hawa ke hath mein saughat kya hai

hiqarat mein bujhe kuchh tir-o-nashtar

mere kashkol mein KHairaat kya hai

bujha paen na un ko oDh paen

guzishta mausamon ki baat kya hai

kabhi dekha na us ko bar-awar

hamari fasl-e-imkanat kya hai

waraq par kyun utarte hain sharare

lahu mein shoala-e-jazbaat kya hai

ubharte Dubte rahte hain sae

tamasha ek sa din raat kya hai