jo guzarta hai guzar jae ji

jo guzartā hai guzar jaa.e jī

aaj vo kar leñ ki bhar jaa.e jī

aaj kī shab yahīñ jiinā marnā

jis ko jaanā ho vo ghar jaa.e jī

is galī se nahīñ jaanā ham ko

aan ruḳhsat ho ki sar jaa.e jī

vaqt ne kar diyā jo karnā thā

koī martā hai to mar jaa.e jī

shāḳh-e-gul mauj-e-havā raqsāñ haiñ

phuul bikhre to bikhar jaa.e jī

manzaroñ ke bhī pare haiñ manzar

aañkh jo ho to nazar jaa.e jī

samt kyā raah kyā manzil kaisī

chal paḌo aap jidhar jaa.e jī

apnī hī soch pe chalnā chāhe

apnī hī soch se Dar jaa.e jī

ye ajab baat hai aksar 'jāved'

jis se rokeñ vahī kar jaa.e jī

jo guzarta hai guzar jae ji

aaj wo kar len ki bhar jae ji

aaj ki shab yahin jina marna

jis ko jaana ho wo ghar jae ji

is gali se nahin jaana hum ko

aan ruKHsat ho ki sar jae ji

waqt ne kar diya jo karna tha

koi marta hai to mar jae ji

shaKH-e-gul mauj-e-hawa raqsan hain

phul bikhre to bikhar jae ji

manzaron ke bhi pare hain manzar

aankh jo ho to nazar jae ji

samt kya rah kya manzil kaisi

chal paDo aap jidhar jae ji

apni hi soch pe chalna chahe

apni hi soch se Dar jae ji

ye ajab baat hai aksar 'jawed'

jis se roken wahi kar jae ji