jo hai rais ghazi-e-guftar aadmi

jo hai ra.iis ġhāzī-e-guftār aadmī

quqnus ke bol bole hai zardār aadmī

jis meñ vafā ḳhulūs mohabbat nahīñ koī

phir kaisā hai vo sāhab-e-kirdār aadmī

miT saktī haiñ ye dūriyāñ lekin ye shart hai

dushman pe dostī kā kare vaar aadmī

dil meñ agar ho 'azm to mushkil nahīñ hai kuchh

kar jā.egā pahāḌ ko mismār aadmī

tūfāñ kī kyā majāl ki phir us ko chhū sake

ban jaa.e jo ye āhanī dīvār aadmī

'jāved' mar ke shahr-e-ḳhamoshāñ na jaa.eñ ham

jab tak uThāne vaale na hoñ chaar aadmī

jo hai rais ghazi-e-guftar aadmi

quqnus ke bol bole hai zardar aadmi

jis mein wafa KHulus mohabbat nahin koi

phir kaisa hai wo sahab-e-kirdar aadmi

miT sakti hain ye duriyan lekin ye shart hai

dushman pe dosti ka kare war aadmi

dil mein agar ho 'azm to mushkil nahin hai kuchh

kar jaega pahaD ko mismar aadmi

tufan ki kya majal ki phir us ko chhu sake

ban jae jo ye aahani diwar aadmi

'jawed' mar ke shahr-e-KHamoshan na jaen hum

jab tak uThane wale na hon chaar aadmi