جو ہے رئیس غازیٔ گفتار آدمی

جو ہے رئیس غازیٔ گفتار آدمی

ققنس کے بول بولے ہے زردار آدمی

جس میں وفا خلوص محبت نہیں کوئی

پھر کیسا ہے وہ صاحب کردار آدمی

مٹ سکتی ہیں یہ دوریاں لیکن یہ شرط ہے

دشمن پہ دوستی کا کرے وار آدمی

دل میں اگر ہو عزم تو مشکل نہیں ہے کچھ

کر جائے گا پہاڑ کو مسمار آدمی

طوفاں کی کیا مجال کہ پھر اس کو چھو سکے

بن جائے جو یہ آہنی دیوار آدمی

جاویدؔ مر کے شہر خموشاں نہ جائیں ہم

جب تک اٹھانے والے نہ ہوں چار آدمی