jo hamare waste sab din the iman the

jo hamāre vāste sab diin the īmān the

un ke hāthoñ meñ faqat ġhairoñ ke hī dīvān the

phir kahā us ne ki jab vīrān kar degī tumheñ

zindagī is ko batā ham to sadā vīrān the

ye nahīñ ki dard-e-dil dard-e-jigar kā ḳhauf thā

us ke jaane se hameñ kuchh aur bhī nuqsān the

jaane kyoñ saare jahāñ kā dard is dil ko milā

is jahāñ meñ ham se achchhe aur bhī insān the

zindagī ko DhūñDne aa.e haiñ ham tere jahāñ

apnī bastī meñ to har jā maut ke imkān the

ham ne kab chāhā thā ke ham is tarah lāchār hoñ

ye bhī ham pe dostoñ ke jā-ba-jā ehsān the

jo hamare waste sab din the iman the

un ke hathon mein faqat ghairon ke hi diwan the

phir kaha us ne ki jab viran kar degi tumhein

zindagi is ko bata hum to sada viran the

ye nahin ki dard-e-dil dard-e-jigar ka KHauf tha

us ke jaane se hamein kuchh aur bhi nuqsan the

jaane kyon sare jahan ka dard is dil ko mila

is jahan mein hum se achchhe aur bhi insan the

zindagi ko DhunDne aae hain hum tere jahan

apni basti mein to har ja maut ke imkan the

hum ne kab chaha tha ke hum is tarah lachaar hon

ye bhi hum pe doston ke ja-ba-ja ehsan the