jo hans hans ke har gham gawara kare hai

jo hañs hañs ke har ġham gavārā kare hai

ye himmat bhī ik ġham kā maarā kare hai

kinārā bhī jis se kinārā kare hai

madad us kī tūfāñ kā dhārā kare hai

jo dair-o-haram se kinārā kare hai

har ik shai meñ terā nazārā kare hai

paḌā hai jo dīvāna terī galī meñ

ḳhudā jaane kis ko pukārā kare hai

tire saath hañs kar guzārī hai jis ne

vo ab āñsuoñ par guzārā kare hai

ḳhudā us ke dāman ko phūloñ se bhar de

mujhe pattharoñ se jo maarā kare hai

taġhāful se chhuptī nahīñ hai mohabbat

taġhāful to aur āshkārā kare hai

'shamīm' us ne sāhil pe mujh ko Duboyā

jo Duube huoñ ko ubhārā kare hai

jo hans hans ke har gham gawara kare hai

ye himmat bhi ek gham ka mara kare hai

kinara bhi jis se kinara kare hai

madad us ki tufan ka dhaara kare hai

jo dair-o-haram se kinara kare hai

har ek shai mein tera nazara kare hai

paDa hai jo diwana teri gali mein

KHuda jaane kis ko pukara kare hai

tere sath hans kar guzari hai jis ne

wo ab aansuon par guzara kare hai

KHuda us ke daman ko phulon se bhar de

mujhe pattharon se jo mara kare hai

taghaful se chhupti nahin hai mohabbat

taghaful to aur aashkara kare hai

'shamim' us ne sahil pe mujh ko Duboya

jo Dube huon ko ubhaara kare hai