جو ہو سکے تو تکلف کو اعتبار میں لا

جو ہو سکے تو تکلف کو اعتبار میں لا

گلوں کی تازہ مہک بھی مرے دیار میں لا

تری زباں پہ بھی مچلیں گی مدھ بھری غزلیں

سخن نواز طبیعت کو انتشار میں لا

تجھے سناؤں کہانی میں کالی راتوں کی

جنون شوق کو بے چہرگی کے خار میں لا

تمام رات بکھرتے رہے ہیں سناٹے

مری نوائے پریشاں کو اختصار میں لا

غموں کا کام ہے ہر در پہ دستکیں دینا

دریچۂ در دل کو بھی تو شمار میں لا

دیار جاں میں تہی دستیاں ہیں عام ابھی

جو بے قرار سی شے ہے اسے قرار میں لا