jo honi thi wo ham-nashin ho chuki
jo honi thi wo ham-nashin ho chuki
Hakim Mohammad Ajmal Khan Shaida
MORE BYHakim Mohammad Ajmal Khan Shaida
jo honī thī vo ham-nashīñ ho chukī
mire mudda.ā par nahīñ ho chukī
burā ho mirī nā-tavānī tirā
nigāh-e-dam-e-vāpsīñ ho chukī
umīd-e-karam kuchh na saaqī se rakh
ki ab vo mai-e-sātgīñ ho chukī
sunā.ūñ agar tā-qayāmat to kyā
kahānī mirī dil-nashīñ ho chukī
karūñ kis tarah ab maiñ arz-e-niyāz
ki baaqī hai dar aur jabīñ ho chukī
tarāvish kahāñ zaḳhm-e-dil meñ vo ab
kahīñ kuchh rahī hai kahīñ ho chukī
bas ab haath se rakh do 'shaidā' qalam
tumhārī ġhazal kī zamīñ ho chukī
jo honi thi wo ham-nashin ho chuki
mere muddaa par nahin ho chuki
bura ho meri na-tawani tera
nigah-e-dam-e-wapsin ho chuki
umid-e-karam kuchh na saqi se rakh
ki ab wo mai-e-satgin ho chuki
sunaun agar ta-qayamat to kya
kahani meri dil-nashin ho chuki
karun kis tarah ab main arz-e-niyaz
ki baqi hai dar aur jabin ho chuki
tarawish kahan zaKHm-e-dil mein wo ab
kahin kuchh rahi hai kahin ho chuki
bas ab hath se rakh do 'shaida' qalam
tumhaari ghazal ki zamin ho chuki
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
