jo husn tujh mein hai wo aKHtar-o-qamar mein nahin

jo husn tujh meñ hai vo aḳhtar-o-qamar meñ nahīñ

tirī misāl kā koī mirī nazar meñ nahīñ

ye maanā raat huī ḳhatm sub.h to aa.ī

sahar kā husn magar aaj kyoñ sahar meñ nahīñ

sabab jo baat banī us kī sarfarāzī kā

vo baat zarra barābar bhī rāhbar meñ nahīñ

matā-e-dard atā kar ai nāvak-e-mizhgāñ

chubhan vo pahlī sī mere dil-o-jigar meñ nahīñ

kamāl-e-azm kī hamrāh raushnī hai 'riyāz'

kisī tarah kā bhī khaTkā mujhe safar meñ nahīñ

jo husn tujh mein hai wo aKHtar-o-qamar mein nahin

teri misal ka koi meri nazar mein nahin

ye mana raat hui KHatm subh to aai

sahar ka husn magar aaj kyon sahar mein nahin

sabab jo baat bani us ki sarfaraazi ka

wo baat zarra barabar bhi rahbar mein nahin

mata-e-dard ata kar ai nawak-e-mizhgan

chubhan wo pahli si mere dil-o-jigar mein nahin

kamal-e-azm ki hamrah raushni hai 'riyaz'

kisi tarah ka bhi khaTka mujhe safar mein nahin