جو جنوں آشنا نہیں ہوتا
جو جنوں آشنا نہیں ہوتا
آدمی کام کا نہیں ہوتا
بات کرتا ہے ناخدا ایسے
جیسے کوئی خدا نہیں ہوتا
ان سے اکثر ملی خبر تیری
جن کو اپنا پتہ نہیں ہوتا
جسم فانی تو اک لبادہ ہے
مرنے والا فنا نہیں ہوتا
دار تک تو جنوں ہی جاتا ہے
عقل میں حوصلہ نہیں ہوتا
لاکھ مجبور ہے بشر پھر بھی
یہ جو چاہے تو کیا نہیں ہوتا
دل سے جب تک ادا نہ ہو صابرؔ
کوئی سجدہ روا نہیں ہوتا
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
