jo kabhi apne the wo hue dur hain

jo kabhī apne the vo hue duur haiñ

ham bhī thak haar ke ho ga.e chuur haiñ

ḳhuub charche haiñ ab apne bhī ġhairoñ meñ

kal jo badnām the aaj mash.hūr haiñ

auroñ se karte haiñ hañs ke vo baat yuuñ

kis kī āñkhoñ ke vo ban ga.e nuur haiñ

zinda-dil ban guzārī hai ye zindagī

jo huā pyaar to kaise majbūr haiñ

kis ke va.ade pe ham ne bharosa kiyā

vo jo kahte jafā.eñ to dastūr haiñ

maut sachchā.ī hai aur ise maan kar

un ke hāthoñ hue qatl mashkūr haiñ

ye laḌā.ī bhī ab ḳhud se hai yā-ḳhudā

faisle tere 'qāsid' ko manzūr haiñ

jo kabhi apne the wo hue dur hain

hum bhi thak haar ke ho gae chur hain

KHub charche hain ab apne bhi ghairon mein

kal jo badnam the aaj mashhur hain

auron se karte hain hans ke wo baat yun

kis ki aankhon ke wo ban gae nur hain

zinda-dil ban guzari hai ye zindagi

jo hua pyar to kaise majbur hain

kis ke wade pe hum ne bharosa kiya

wo jo kahte jafaen to dastur hain

maut sachchai hai aur ise man kar

un ke hathon hue qatl mashkur hain

ye laDai bhi ab KHud se hai ya-KHuda

faisle tere 'qasid' ko manzur hain