jo KHas bande hain wo banda-e-awam nahin

jo ḳhaas bande haiñ vo banda-e-avām nahīñ

hazār baar jo yūsuf bike ġhulām nahīñ

bhalā ho kyā dil-e-zāhid meñ soz-e-ulfat-e-haq

kabhī jalāne ke qābil charāġh-e-ḳhām nahīñ

gilā hai chashm-e-suḳhan-go se ḳhāmushī kā hameñ

dahan ke hone na hone meñ kuchh kalām nahīñ

tū āftāb hai zulf-e-siyah nahīñ to na ho

charāġh-e-roz ko kuchh ehtiyāj-e-shām nahīñ

'azīz āshiq-e-gumnām kā hai dil us ko

nagīñ vo haath meñ rakhtā hai jis meñ naam nahīñ

bas ek haath meñ do ho ke paḌh dogānā-e-ishq

jo be-namāz hai vo qābil-e-salām nahīñ

ye sar jhukānā ye muñh phernā hai māne'-e-dīd

mirī namāz meñ sajda nahīñ salām nahīñ

vo mujh pe marne lagī jo hai mere darpai-e-qatl

ilāhī is ke sivā aur intiqām nahīñ

firāq-e-yār meñ dast-e-subū uḌāte haiñ ḳhaak

ye gard-bād hai gardish meñ apnā jaam nahīñ

na hañs rulā.egā tujh ko ḳhumār-e-bāda-e-aish

mai-nashāt to is bazm meñ mudām nahīñ

phañse na qaid-e-ta'alluq meñ jo ki hai āzād

chaman meñ tā.ir-e-nik.hat asīr-e-dām nahīñ

vo dil ho chaak nahīñ 'ishq kā nishāñ jis meñ

nagīñ vo TuuTe mohabbat kā jis meñ naam nahīñ

rahegā hijr kā din kab kaTe agar shab-e-vasl

mudām roz-e-qayāmat ko bhī qayām nahīñ

bane jo baal kā phandā tumhārī teġh kā baal

to murġh-e-jāñ ke liye behtar is se daam nahīñ

mai-e-do-ātisha-e-kufr-o-dīñ se ḳhalq hai mast

magar sharāb ye ham-mashrabo harām nahīñ

pukārā apnā gadā kah ke mujh ko ai shah-e-husn

faqīr huuñ tire dar kā 'vazīr' naam nahīñ

jo KHas bande hain wo banda-e-awam nahin

hazar bar jo yusuf bike ghulam nahin

bhala ho kya dil-e-zahid mein soz-e-ulfat-e-haq

kabhi jalane ke qabil charagh-e-KHam nahin

gila hai chashm-e-suKHan-go se KHamushi ka hamein

dahan ke hone na hone mein kuchh kalam nahin

tu aaftab hai zulf-e-siyah nahin to na ho

charagh-e-roz ko kuchh ehtiyaj-e-sham nahin

'aziz aashiq-e-gumnam ka hai dil us ko

nagin wo hath mein rakhta hai jis mein nam nahin

bas ek hath mein do ho ke paDh dogana-e-ishq

jo be-namaz hai wo qabil-e-salam nahin

ye sar jhukana ye munh pherna hai mane'-e-did

meri namaz mein sajda nahin salam nahin

wo mujh pe marne lagi jo hai mere darpai-e-qatl

ilahi is ke siwa aur intiqam nahin

firaq-e-yar mein dast-e-subu uDate hain KHak

ye gard-baad hai gardish mein apna jam nahin

na hans rulaega tujh ko KHumar-e-baada-e-aish

mai-nashat to is bazm mein mudam nahin

phanse na qaid-e-ta'alluq mein jo ki hai aazad

chaman mein tair-e-nikhat asir-e-dam nahin

wo dil ho chaak nahin 'ishq ka nishan jis mein

nagin wo TuTe mohabbat ka jis mein nam nahin

rahega hijr ka din kab kaTe agar shab-e-wasl

mudam roz-e-qayamat ko bhi qayam nahin

bane jo baal ka phanda tumhaari tegh ka baal

to murgh-e-jaan ke liye behtar is se dam nahin

mai-e-do-atisha-e-kufr-o-din se KHalq hai mast

magar sharab ye ham-mashrabo haram nahin

pukara apna gada kah ke mujh ko ai shah-e-husn

faqir hun tere dar ka 'wazir' nam nahin