jo KHalaon mein chamakte hain ujale le kar

jo ḳhalāoñ meñ chamakte haiñ ujāle le kar

tere hī dar se vo lauTe haiñ ziyā le le kar

sang-rezoñ se milī ābla-pā.ī jis ko

kis ko dikhlā.e kahāñ jaa.e vo chhāle le kar

kal kisī baat pe bhaa.ī se bahas kar baiThā

log aa.e haiñ namakdāñ meñ davā le le kar

ḳhaak chhāne hai koī kū-e-adālat kī miyāñ

darjanoñ sar pe subūtoñ ke havāle le kar

ho ke be-ḳhauf sitam-karda havāoñ se hanūz

koī pahuñchā hai añdheroñ meñ ujāle le kar

ruk mire dil zarā taftīsh to karne de mujhe

kaise aa.ī hai ḳhizāñ rang nirāle le kar

aaj phir jaan luTā degā koī parvāna

sham.a raushan jo huī maut ke bhāle le kar

jo KHalaon mein chamakte hain ujale le kar

tere hi dar se wo lauTe hain ziya le le kar

sang-rezon se mili aabla-pai jis ko

kis ko dikhlae kahan jae wo chhaale le kar

kal kisi baat pe bhai se bahas kar baiTha

log aae hain namakdan mein dawa le le kar

KHak chhane hai koi ku-e-adalat ki miyan

darjanon sar pe subuton ke hawale le kar

ho ke be-KHauf sitam-karda hawaon se hanuz

koi pahuncha hai andheron mein ujale le kar

ruk mere dil zara taftish to karne de mujhe

kaise aai hai KHizan rang nirale le kar

aaj phir jaan luTa dega koi parwana

shama raushan jo hui maut ke bhaale le kar