jo KHud pe baiThe biThae zawal le aae

jo ḳhud pe baiThe biThā.e zavāl le aa.e

kahāñ se ham bhī likhā kar kamāl le aa.e

kivāḌ kholeñ to uḌ jā.eñgī abābīleñ

na jaane zehn meñ kaisā ḳhayāl le aa.e

har ek shaḳhs samajh kar bhī ho gayā ḳhāmosh

azal se chehre pe ham vo savāl le aa.e

haiñ raakh raakh magar aaj tak nahīñ bikhre

kaho havā se hamārī misāl le aa.e

sulagtī bujhtī huī zindagī kī ye sauġhāt

'shamīm' apne liye māh-o-sāl le aa.e

jo KHud pe baiThe biThae zawal le aae

kahan se hum bhi likha kar kamal le aae

kiwaD kholen to uD jaengi ababilen

na jaane zehn mein kaisa KHayal le aae

har ek shaKHs samajh kar bhi ho gaya KHamosh

azal se chehre pe hum wo sawal le aae

hain rakh rakh magar aaj tak nahin bikhre

kaho hawa se hamari misal le aae

sulagti bujhti hui zindagi ki ye saughat

'shamim' apne liye mah-o-sal le aae