jo KHun roti hai aankhen sara manzar chiKH uThta hai

jo ḳhuuñ rotī hai āñkheñ saarā manzar chīḳh uThtā hai

bichhaḌ kar mujh se koī mere andar chīḳh uThtā hai

kyā us kā dard hai kyā ġham hai koī us se pūchhe to

ek aisā shaḳhs hai rātoñ ko uTh kar chīḳh uThtā hai

use hai ḳhuub dard-e-dil kī gahrā.ī kā andāza

ye aañsū dekh kar merā samundar chīḳh uThtā hai

bharī duniyā meñ tanhā be-sahārā dekh kar ḳhud ko

koī ma.asūm rotā hai to patthar chīḳh uThtā hai

tere hone se dīvālī hai mere ghar meñ har ik din

har ik pal tere jaane kā jo ye Dar chīḳh uThtā hai

kisī pal bhī nahīñ rahtā tirī ḳhushbū se ye ḳhālī

nahīñ hotā hai tū ghar meñ to ye ghar chīḳh uThtā hai

tū apne saath jab se le gayā tasvīr bhī apnī

dar-o-dīvār rote haiñ ye bistar chīḳh uThtā hai

judā ho kar bhī inshā kī mohabbat us ke dil meñ hai

kisī par zulm hotā hai qalandar chīḳh uThtā hai

terī yādoñ kī ye bād-e-sabā jab ḳhuun rotī hai

mirā vahm-o-gumāñ aur dil kā khanDar chīḳh uThtā hai

jahāñ hote ho tum dekho gulābī shaam hotī hai

tumhārā zikr hote hī november chīḳh uThtā hai

kisī se bhī koī shikva nahīñ 'arpit' mujhe phir bhī

mere dil kā ye sannāTā bhī aksar chīḳh uThtā hai

jo KHun roti hai aankhen sara manzar chiKH uThta hai

bichhaD kar mujh se koi mere andar chiKH uThta hai

kya us ka dard hai kya gham hai koi us se puchhe to

ek aisa shaKHs hai raaton ko uTh kar chiKH uThta hai

use hai KHub dard-e-dil ki gahrai ka andaza

ye aansu dekh kar mera samundar chiKH uThta hai

bhari duniya mein tanha be-sahaara dekh kar KHud ko

koi masum rota hai to patthar chiKH uThta hai

tere hone se diwali hai mere ghar mein har ek din

har ek pal tere jaane ka jo ye Dar chiKH uThta hai

kisi pal bhi nahin rahta teri KHushbu se ye KHali

nahin hota hai tu ghar mein to ye ghar chiKH uThta hai

tu apne sath jab se le gaya taswir bhi apni

dar-o-diwar rote hain ye bistar chiKH uThta hai

juda ho kar bhi insha ki mohabbat us ke dil mein hai

kisi par zulm hota hai qalandar chiKH uThta hai

teri yaadon ki ye baad-e-saba jab KHun roti hai

mera wahm-o-guman aur dil ka khanDar chiKH uThta hai

jahan hote ho tum dekho gulabi sham hoti hai

tumhaara zikr hote hi nowember chiKH uThta hai

kisi se bhi koi shikwa nahin 'arpit' mujhe phir bhi

mere dil ka ye sannaTa bhi aksar chiKH uThta hai