jo kisi moD par Thahar jaun

jo kisī moḌ par Thahar jā.ūñ

rāsta pūchhegā kidhar jā.ūñ

sāmne frosT kā hai dorāhā

maiñ idhar jā.ūñ yā udhar jā.ūñ

rāsta de rahā hai aaj falak

sochtā huuñ ki apne ghar jā.ūñ

qafas-e-be-fasīl hai yā'nī

shahr hī shahr hai jidhar jā.ūñ

zard pattoñ kā qāfila huuñ maiñ

kab bahār aa.e kab bikhar jā.ūñ

shakl-e-mā'dūm par nigāh-e-vujūd

aaj manzūr hai ki kar jā.ūñ

ye mirā 'aks hai ki ye maiñ huuñ

toḌ kar aa.ina na Dar jā.ūñ

yaad kā be-kanār dariyā hai

kashtī-e-vaqt se utar jā.ūñ

maiñ tirī yaad meñ jo jiitā huuñ

bhuul saktā nahīñ ki mar jā.ūñ

jāntā huuñ ki ḳhvāb hai 'asrār'

is haqīqat se be-ḳhabar jā.ūñ

jo kisi moD par Thahar jaun

rasta puchhega kidhar jaun

samne frosT ka hai doraha

main idhar jaun ya udhar jaun

rasta de raha hai aaj falak

sochta hun ki apne ghar jaun

qafas-e-be-fasil hai ya'ni

shahr hi shahr hai jidhar jaun

zard patton ka qafila hun main

kab bahaar aae kab bikhar jaun

shakl-e-ma'dum par nigah-e-wujud

aaj manzur hai ki kar jaun

ye mera 'aks hai ki ye main hun

toD kar aaina na Dar jaun

yaad ka be-kanar dariya hai

kashti-e-waqt se utar jaun

main teri yaad mein jo jita hun

bhul sakta nahin ki mar jaun

jaanta hun ki KHwab hai 'asrar'

is haqiqat se be-KHabar jaun