jo kisi par na hua ho wo sitam ho to kaho

jo kisī par na huā ho vo sitam ho to kaho

ab nirālā koī afsāna-e-ġham ho to kaho

rahnumā jab na mirā naqsh-e-qadam ho to kaho

merī raftār kahīñ raah meñ kam ho to kaho

sharh-e-andoh-e-mohabbat pe tabassum kaisā

ye koī zāviya-e-lutf-o-karam ho to kaho

har jafā ġham hai mire zarf kī pahnā.ī meñ

mere hoñToñ pe kabhī zikr-e-sitam ho to kaho

maiñ ne har zaḳhm-e-bahārāñ ko chhupā rakkhā hai

mujh se majrūh gulistāñ kā bharam ho to kaho

un kī taḳhlīq alag aur mirī fikr judā

un kā merā koī andāz baham ho to kaho

likh rahā hai koī pur-kaif ġhazal aaj 'nasīr'

bad-numā lafz koī zer-e-qalam ho to kaho

jo kisi par na hua ho wo sitam ho to kaho

ab nirala koi afsana-e-gham ho to kaho

rahnuma jab na mera naqsh-e-qadam ho to kaho

meri raftar kahin rah mein kam ho to kaho

sharh-e-andoh-e-mohabbat pe tabassum kaisa

ye koi zawiya-e-lutf-o-karam ho to kaho

har jafa gham hai mere zarf ki pahnai mein

mere honTon pe kabhi zikr-e-sitam ho to kaho

main ne har zaKHm-e-bahaaran ko chhupa rakkha hai

mujh se majruh gulistan ka bharam ho to kaho

un ki taKHliq alag aur meri fikr juda

un ka mera koi andaz baham ho to kaho

likh raha hai koi pur-kaif ghazal aaj 'nasir'

bad-numa lafz koi zer-e-qalam ho to kaho