jo likha wo likh diya jaan-e-jaan karun aaj is ka malal kya

jo likhā vo likh diyā jān-e-jāñ karūñ aaj is kā malāl kyā

tirā zikr ho tirī baat ho to karūñ maiñ jag kā ḳhayāl kyā

milī dam-ba-dam hasīñ raushnī ki hayāt merī nikhar ga.ī

tire qurb se tire pyaar se ho qarār-e-jāñ to kamāl kyā

abhī saath thā abhī kho gayā abhī tīrgī meñ Dubo gayā

abhī us kī aas na pyaas hai to ḳhayāl-e-qurb-o-visāl kyā

rah-e-zindagī hai dhuāñ dhuāñ nahīñ ik kiran kā kahīñ nishāñ

maiñ huuñ be-yaqīnī kī chhāñv meñ to numūd-e-rang-o-jamāl kyā

rah-e-āshiqāñ jo huā sitam kabhī zikr hogā na us kā kam

yūñhī hogā tan jo lahū lahū to karūñ maiñ jang-o-qitāl kyā

tirī chaah thī tirā pyaar thā tirā qurb thā tirī dostī

tū nahīñ to phir ye hikāyateñ ye shikāyateñ ye malāl kyā

tujhe tujh se maiñ ne talab kiyā tujhe lutf-e-jāñ kā sabab kiyā

ye sitam hai tū ne ġhazab kiyā to karūñ maiñ tujh se savāl kyā

jo likha wo likh diya jaan-e-jaan karun aaj is ka malal kya

tera zikr ho teri baat ho to karun main jag ka KHayal kya

mili dam-ba-dam hasin raushni ki hayat meri nikhar gai

tere qurb se tere pyar se ho qarar-e-jaan to kamal kya

abhi sath tha abhi kho gaya abhi tirgi mein Dubo gaya

abhi us ki aas na pyas hai to KHayal-e-qurb-o-visal kya

rah-e-zindagi hai dhuan dhuan nahin ek kiran ka kahin nishan

main hun be-yaqini ki chhanw mein to numud-e-rang-o-jamal kya

rah-e-ashiqan jo hua sitam kabhi zikr hoga na us ka kam

yunhi hoga tan jo lahu lahu to karun main jang-o-qital kya

teri chah thi tera pyar tha tera qurb tha teri dosti

tu nahin to phir ye hikayaten ye shikayaten ye malal kya

tujhe tujh se main ne talab kiya tujhe lutf-e-jaan ka sabab kiya

ye sitam hai tu ne ghazab kiya to karun main tujh se sawal kya