jo log chhoD ke naqsh-e-qadam gae honge

jo log chhoḌ ke naqsh-e-qadam ga.e hoñge

kahūñ maiñ kaise ki sū-e-adam ga.e hoñge

tilism-e-ḳhāna-e-mahviyyat-e-ḳhayāl na pūchh

na aa.e hoñge yahāñ vo na ham ga.e hoñge

jo zulm Dhāyā hai insāñ ne aaj insāñ par

farishte bhī ise sun kar saham ga.e hoñge

haram hī kyā tire dīvāne justujū meñ tirī

butoñ ke dar pe ḳhudā kī qasam ga.e hoñge

ye aur baat ki dar ek baar bhī na khulā

hazār baar tire dar pe ham ga.e hoñge

dikhā do un ko bulā kar ye āḳhirī manzar

pukār lo ki abhī kuchh qadam ga.e hoñge

vo rāh-e-kaj sahī kaj-rau na kahiye un ko 'nasīm'

jo dekh kar kisī abrū kā ḳham ga.e hoñge

jo log chhoD ke naqsh-e-qadam gae honge

kahun main kaise ki su-e-adam gae honge

tilism-e-KHana-e-mahwiyyat-e-KHayal na puchh

na aae honge yahan wo na hum gae honge

jo zulm Dhaya hai insan ne aaj insan par

farishte bhi ise sun kar saham gae honge

haram hi kya tere diwane justuju mein teri

buton ke dar pe KHuda ki qasam gae honge

ye aur baat ki dar ek bar bhi na khula

hazar bar tere dar pe hum gae honge

dikha do un ko bula kar ye aaKHiri manzar

pukar lo ki abhi kuchh qadam gae honge

wo rah-e-kaj sahi kaj-rau na kahiye un ko 'nasim'

jo dekh kar kisi abru ka KHam gae honge