jo log kaT ke guzishta se haal mein aae

jo log kaT ke guzishta se haal meñ aa.e

vajūd unhī ke nigāh-e-zavāl meñ aa.e

vo fikr diije ki ho e.atibār-e-mustaqbil

vo baat kahiye ki sadiyoñ misāl meñ aa.e

rahīn-e-zar hai abhī to har ek jazba-e-shauq

kahāñ se ishq kī lazzat visāl meñ aa.e

pahuñch gayā huuñ maiñ ahl-e-junūñ ke maqsad ko

vo chāhte haiñ ḳhirad ishti.āl meñ aa.e

ab itnī tez hai raftār zindagī kī 'shujā'

ḳhayāl-e-yār kahāñ se ḳhayāl meñ aa.e

jo log kaT ke guzishta se haal mein aae

wajud unhi ke nigah-e-zawal mein aae

wo fikr dije ki ho eatibar-e-mustaqbil

wo baat kahiye ki sadiyon misal mein aae

rahin-e-zar hai abhi to har ek jazba-e-shauq

kahan se ishq ki lazzat visal mein aae

pahunch gaya hun main ahl-e-junun ke maqsad ko

wo chahte hain KHirad ishtial mein aae

ab itni tez hai raftar zindagi ki 'shuja'

KHayal-e-yar kahan se KHayal mein aae