jo log ki insan ki izzat nahin karte

jo log ki insān kī izzat nahīñ karte

vo log ḳhudā se bhī mohabbat nahīñ karte

rakhte haiñ vahī vus.at-e-aflāk pe nazreñ

jo daar pe bhī tark-e-sadāqat nahīñ karte

jis baat se insān ke jazbāt hoñ majrūh

ham bhuul ke bhī aisī himāqat nahīñ karte

gir jaate haiñ ḳhud apnī nigāhoñ se vo insāñ

jo apne parā.e se muravvat nahīñ karte

taqsīm kareñge vo kahāñ ilm kī daulat

jo hoñT hilāne kī bhī zahmat nahīñ karte

haiñ ek 'sirāj' un ke liye apne parā.e

kam-zarf kisī kī bhī himāyat nahīñ karte

jo log ki insan ki izzat nahin karte

wo log KHuda se bhi mohabbat nahin karte

rakhte hain wahi wusat-e-aflak pe nazren

jo dar pe bhi tark-e-sadaqat nahin karte

jis baat se insan ke jazbaat hon majruh

hum bhul ke bhi aisi himaqat nahin karte

gir jate hain KHud apni nigahon se wo insan

jo apne parae se murawwat nahin karte

taqsim karenge wo kahan ilm ki daulat

jo honT hilane ki bhi zahmat nahin karte

hain ek 'siraj' un ke liye apne parae

kam-zarf kisi ki bhi himayat nahin karte