jo log ujale ko ujala nahin kahte

jo log ujāle ko ujālā nahīñ kahte

ham un ko burā kahte haiñ achchhā nahīñ kahte

jo joḌ na de TuuTe hue taar diloñ ke

ham us ko mohabbat kā tarānā nahīñ kahte

jiinā ise kahte haiñ jo ho auroñ kī ḳhātir

apne liye jiine ko to jiinā nahīñ kahte

insāñ ke dil-o-zehn munavvar na hoñ jis se

ham aise ujāle ko ujālā nahīñ kahte

hairat meñ kabhī jalve ko ham kahte haiñ parda

parde ko kabhī shauq meñ parvā nahīñ kahte

tum sāmne ho aur tumheñ dekh na paa.eñ

ham aise nazāre ko nazārā nahīñ kahte

ham tum sā hasīñ kaise kaheñ shams-o-qamar ko

har husn ko to husn-e-sarāpā nahīñ kahte

dil rakhne ko muñh se yūñhī kah dete haiñ achchhā

dil se to 'jigar' vo hameñ achchhā nahīñ kahte

jo log ujale ko ujala nahin kahte

hum un ko bura kahte hain achchha nahin kahte

jo joD na de TuTe hue tar dilon ke

hum us ko mohabbat ka tarana nahin kahte

jina ise kahte hain jo ho auron ki KHatir

apne liye jine ko to jina nahin kahte

insan ke dil-o-zehn munawwar na hon jis se

hum aise ujale ko ujala nahin kahte

hairat mein kabhi jalwe ko hum kahte hain parda

parde ko kabhi shauq mein parwa nahin kahte

tum samne ho aur tumhein dekh na paen

hum aise nazare ko nazara nahin kahte

hum tum sa hasin kaise kahen shams-o-qamar ko

har husn ko to husn-e-sarapa nahin kahte

dil rakhne ko munh se yunhi kah dete hain achchha

dil se to 'jigar' wo hamein achchha nahin kahte