jo mahtab mein hai waqt-e-shab jamal tera

jo māhtāb meñ hai vaqt-e-shab jamāl tirā

hai sub.h-dam vahī ḳhurshīd meñ jalāl tirā

sabā meñ hai jo latāfat tirī latāfat hai

jamāl hai jo guloñ meñ hai vo jamāl tirā

khiñchī huī chalī aatī hai is meñ ik duniyā

samā rahā hai mire dil meñ yuuñ ḳhayāl tirā

fanā se kaam tujhe kyā ki jāvedāñ tū hai

nahīñ zavāl se nādim kabhī kamāl tirā

hai zarra zarra 'munavvar' tirī tajallī se

kuchh ek mehr-e-mubīñ meñ nahīñ jalāl tirā

jo mahtab mein hai waqt-e-shab jamal tera

hai subh-dam wahi KHurshid mein jalal tera

saba mein hai jo latafat teri latafat hai

jamal hai jo gulon mein hai wo jamal tera

khinchi hui chali aati hai is mein ek duniya

sama raha hai mere dil mein yun KHayal tera

fana se kaam tujhe kya ki jawedan tu hai

nahin zawal se nadim kabhi kamal tera

hai zarra zarra 'munawwar' teri tajalli se

kuchh ek mehr-e-mubin mein nahin jalal tera