jo mal usne sameTa tha wo bhi sara gaya
jo maal us ne sameTā thā vo bhī saarā gayā
vo ḳhvāhishoñ ke tasādum meñ aaj maarā gayā
ḳhumār-e-ishq kī ġhārat-garī hai donoñ taraf
hamārī umr ga.ī aur sukūñ tumhārā gayā
biphartī mauj ke aage ye kis ko yaad rahā
kahāñ pe naav ga.ī aur kahāñ kinārā gayā
bas ek jaan bachī hai chalo nisār kareñ
sunā hai naam hamārā hī phir pukārā gayā
zamīñ pe us kī ḳhabar hai koī na hai parvā
falak se TuuT gayā to kahāñ sitārā gayā
sabā ke haath shab-e-hijr ke guzarte hī
tumhārī samt meñ ashkoñ kā goshvārā gayā
vo peḌ TuuT gayā to mujhe kuchh aisā lagā
ki jaise apnī mohabbat kā isti.ārā gayā
har ek naqsh tirī yaad se munavvar thā
maiñ apne maazī meñ kal raat jab dobāra gayā
jo mal us ne sameTa tha wo bhi sara gaya
wo KHwahishon ke tasadum mein aaj mara gaya
KHumar-e-ishq ki ghaarat-gari hai donon taraf
hamari umr gai aur sukun tumhaara gaya
bipharti mauj ke aage ye kis ko yaad raha
kahan pe naw gai aur kahan kinara gaya
bas ek jaan bachi hai chalo nisar karen
suna hai nam hamara hi phir pukara gaya
zamin pe us ki KHabar hai koi na hai parwa
falak se TuT gaya to kahan sitara gaya
saba ke hath shab-e-hijr ke guzarte hi
tumhaari samt mein ashkon ka goshwara gaya
wo peD TuT gaya to mujhe kuchh aisa laga
ki jaise apni mohabbat ka istiara gaya
har ek naqsh teri yaad se munawwar tha
main apne mazi mein kal raat jab dobara gaya
- Book : Gulab Khilty Hain (Pg. 118)
- Author : Dr. Syed Anwar Ahmad
- Publication : Jahangir Books (2013)
- Edition : 2013
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
