jo mango wo kab milta hai

jo māñgo vo kab miltā hai

ab ke ham ne dukh māñgā hai

ghar meñ haal buzurgoñ kā ab

pītal ke bartan jaisā hai

naatī potoñ ne zid keī to

ammā kā sandūq khulā hai

haath se us ne dī thiiñ gāñTheñ

ab dāñtoñ se khol rahā hai

ab tum raakh uThā kar dekho

kyā kyā jism ke saath jalā hai

duur vaso yā paas raho ab

rishtoñ kā pul TuuT chukā hai

duub chamaktī hai khetoñ meñ

bargad chintā meñ Duubā hai

rotī āñkheñ hañstā chehra

añgāroñ par phuul khilā hai

āñkhoñ se hai ojhal manzil

pairoñ se rasta lipTā hai

Duub rahī do āñkheñ haiñ aur

bujhtī sī faanī duniyā hai

kohre meñ lipTī hai bastī

sūraj bhī jugnū lagtā hai

shab 'ḳhayāl' aa.ī phir us keī

āñkhoñ se aañsū Tapkā hai

jo mango wo kab milta hai

ab ke hum ne dukh manga hai

ghar mein haal buzurgon ka ab

pital ke bartan jaisa hai

nati poton ne zid kei to

amma ka sanduq khula hai

hath se us ne di thin ganThen

ab danton se khol raha hai

ab tum rakh uTha kar dekho

kya kya jism ke sath jala hai

dur waso ya pas raho ab

rishton ka pul TuT chuka hai

dub chamakti hai kheton mein

bargad chinta mein Duba hai

roti aankhen hansta chehra

angaron par phul khila hai

aankhon se hai ojhal manzil

pairon se rasta lipTa hai

Dub rahi do aankhen hain aur

bujhti si fani duniya hai

kohre mein lipTi hai basti

suraj bhi jugnu lagta hai

shab 'KHayal' aai phir us kei

aankhon se aansu Tapka hai