jo maqsad girya-e-paiham ka hai wo hum samajhte hain

Ali Jawwad Zaidi

jo maqsad girya-e-paiham ka hai wo hum samajhte hain

Ali Jawwad Zaidi

MORE BY Ali Jawwad Zaidi

    jo maqsad girya-e-paiham hai vo ham samajhte haiñ

    magar jin ko samajhnā chāhiye thā kam samajhte haiñ

    zarā mere junūñ kāvish-e-tāmīr to dekheñ

    jo bazm-e-zindagī ko darham o barham samajhte haiñ

    un āñkhoñ meñ nahīñ nashtar ḳhud apne dil meñ pinhāñ hai

    ab itnī baat to kuchh ham bhī ai hamdam samajhte haiñ

    ye un mehrbānī hai ye un izzat-afzā.ī

    ki mere zaḳhm ko vo lā.iq-e-marham samajhte haiñ

    ham ahl-e-dil ne me.ayār-e-mohabbat bhī badal Daale

    jo ġham har fard ġham hai usī ko ġham samajhte haiñ

    jhijakte se qadam bahkī nazreñ ruktī bāteñ

    ye andāz-e-tajāhul vo hai jis ko ham samajhte haiñ

    sulūk-e-dost bhī hai ik ishāra tez-gāmī

    ham ahl-e-kārvāñ āñchal ko bhī parcham samajhte haiñ

    haTo ahl-e-ḳhirad ahl-e-junūñ ko jaane do aage

    vahī kuchh rāh-e-hastī ke ye pech o ḳham samajhte haiñ

    palak se is tarah Tapkā ki goyā ik kalī chaTkī

    ham ahl-e-dard ashk-e-ġham ko bhī shabnam samajhte haiñ

    ḳhulūs-e-zāhirī rozāna ik mahfil sajātā hai

    samajhte vo bhī haiñ lekin abhī kam kam samajhte haiñ

    jo maqsad girya-e-paiham ka hai wo hum samajhte hain

    magar jin ko samajhna chahiye tha kam samajhte hain

    zara mere junun ki kawish-e-tamir to dekhen

    jo bazm-e-zindagi ko darham o barham samajhte hain

    un aankhon mein nahin nashtar KHud apne dil mein pinhan hai

    ab itni baat to kuchh hum bhi ai hamdam samajhte hain

    ye un ki mehrbani hai ye un ki izzat-afzai

    ki mere zaKHm ko wo laiq-e-marham samajhte hain

    hum ahl-e-dil ne meayar-e-mohabbat bhi badal Dale

    jo gham har fard ka gham hai usi ko gham samajhte hain

    jhijakte se qadam bahki si nazren rukti si baaten

    ye andaz-e-tajahul wo hai jis ko hum samajhte hain

    suluk-e-dost bhi hai ek ishaara tez-gami ka

    hum ahl-e-karwan aanchal ko bhi parcham samajhte hain

    haTo ahl-e-KHirad ahl-e-junun ko jaane do aage

    wahi kuchh rah-e-hasti ke ye pech o KHam samajhte hain

    palak se is tarah Tapka ki goya ek kali chaTki

    hum ahl-e-dard ashk-e-gham ko bhi shabnam samajhte hain

    KHulus-e-zahiri rozana ek mahfil sajata hai

    samajhte wo bhi hain lekin abhi kam kam samajhte hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY