jo marhala-e-saKHt ka hamil nahin hota

jo marhala-e-saḳht kā hāmil nahīñ hotā

vo zindagī bhar fā.ez-e-manzil nahīñ hotā

majbūr pe māyūs pe ye jaur-e-musalsal

majbūr ke māyūs ke kyā dil nahīñ hotā

ashkoñ pe hai bejoḌ sā ye aks-e-tabassum

ā.īne ke ā.īna muqābil nahīñ hotā

kyoñ zindagī begāna huī jaatī hai mujh se

ab dard se shāyad adab-e-dil nahīñ hotā

nādān tū ḳhud apnī jagah aap hī manzil

kyoñ kahtā hai maiñ vāsil-e-manzil nahīñ hotā

tartīb diyā jaatā hai ye azm-e-ravāñ se

tūfān meñ pinhāñ kabhī sāhil nahīñ hotā

parvāne 'shifā' is liye khā jaate haiñ dhokā

nazroñ meñ ma.āl-e-shab-e-mahfil nahīñ hotā

jo marhala-e-saKHt ka hamil nahin hota

wo zindagi bhar faez-e-manzil nahin hota

majbur pe mayus pe ye jaur-e-musalsal

majbur ke mayus ke kya dil nahin hota

ashkon pe hai bejoD sa ye aks-e-tabassum

aaine ke aaina muqabil nahin hota

kyon zindagi begana hui jati hai mujh se

ab dard se shayad adab-e-dil nahin hota

nadan tu KHud apni jagah aap hi manzil

kyon kahta hai main wasil-e-manzil nahin hota

tartib diya jata hai ye azm-e-rawan se

tufan mein pinhan kabhi sahil nahin hota

parwane 'shifa' is liye kha jate hain dhoka

nazron mein maal-e-shab-e-mahfil nahin hota