jo maut hai zindagi ke pichhe to maut ke pichhe zindagi kyon

jo maut hai zindagī ke pīchhe to maut ke pīchhe zindagī kyoñ

ġhamī ke pīchhe bhī gar ḳhushī hai ḳhushī ke pīchhe hai phir ġhamī kyoñ

ye nafrateñ ye kudūrateñ kyoñ haiñ aage sīrat se sūrateñ kyoñ

yahāñ haiñ maujūd ab bhī insāñ phir ādamiyyat kī bandagī kyoñ

ye uljhaneñ kyoñ ye dard-o-ġham kyoñ ye mushkileñ kyoñ ye Thokareñ kyoñ

milī to haiñ be-shumār chīzeñ phir in ke badle bas ik ḳhushī kyoñ

ye bhī samajhne se huuñ maiñ qāsir ki aadmī kyoñ huā hai bartar

koī batā.e ki aadmī se yahāñ har ik shai hai qīmtī kyoñ

bas ek hī sham' jal rahī thī huā thā saarā chaman ye raushan

haiñ jal rahī ab hazār sham'eñ chaman meñ hai phir bhī tīrgī kyoñ

har ek hasrat ye jāntā hai milegī mushkil ke baa'd rāhat

to baa'd mushkil ke bārhā yaañ paḌā hai mushkil meñ aadmī kyoñ

jo maut hai zindagi ke pichhe to maut ke pichhe zindagi kyon

ghami ke pichhe bhi gar KHushi hai KHushi ke pichhe hai phir ghami kyon

ye nafraten ye kuduraten kyon hain aage sirat se suraten kyon

yahan hain maujud ab bhi insan phir aadamiyyat ki bandagi kyon

ye uljhanen kyon ye dard-o-gham kyon ye mushkilen kyon ye Thokaren kyon

mili to hain be-shumar chizen phir in ke badle bas ek KHushi kyon

ye bhi samajhne se hun main qasir ki aadmi kyon hua hai bartar

koi batae ki aadmi se yahan har ek shai hai qimti kyon

bas ek hi sham' jal rahi thi hua tha sara chaman ye raushan

hain jal rahi ab hazar sham'en chaman mein hai phir bhi tirgi kyon

har ek hasrat ye jaanta hai milegi mushkil ke ba'd rahat

to ba'd mushkil ke barha yan paDa hai mushkil mein aadmi kyon