jo mera haal hai wo us ka haal thoDai hai

jo merā haal hai vo us kā haal thoḌa.ī hai

use bichhaḌne kā koī malāl thoḌa.ī hai

tū bevafā.ī pe apnī na is qadar itrā

fareb denā kisī ko kamāl thoḌa.ī hai

tirā firāq bhī aur muflisī ke sadme bhī

hamārī jaan ko bas ik vabāl thoḌa.ī hai

kahāñ ye chāñd kahāñ terā husn-o-rang-e-jamāl

tire badan kī tarah us kā Dhaal thoḌa.ī hai

janāb ek ke baad ek ġham milā hai hameñ

hamāre vāste ye achchhā saal thoḌa.ī hai

zamāna ho gayā tark-e-ta.alluqāt hue

'farāz' ab un se mirī bol-chāl thoḌa.ī hai

jo mera haal hai wo us ka haal thoDai hai

use bichhaDne ka koi malal thoDai hai

tu bewafai pe apni na is qadar itra

fareb dena kisi ko kamal thoDai hai

tera firaq bhi aur muflisi ke sadme bhi

hamari jaan ko bas ek wabaal thoDai hai

kahan ye chand kahan tera husn-o-rang-e-jamal

tere badan ki tarah us ka Dhaal thoDai hai

janab ek ke baad ek gham mila hai hamein

hamare waste ye achchha sal thoDai hai

zamana ho gaya tark-e-talluqat hue

'faraaz' ab un se meri bol-chaal thoDai hai