jo mere tangna-e-dil mein tujhko jalwa-gar dekha

jo mere tañgnā-e-dil meñ tujh ko jalva-gar dekhā

mirī nazroñ ne hairat se mujhī ko umr bhar dekhā

tasavvur kī hadoñ meñ bhī samānā jin kā mushkil thā

nazar vāloñ ne un jalvoñ ko tā-hadd-e-nazar dekhā

sab apne dil meñ ik tīr-e-nazar mahsūs karte haiñ

magar koī batā saktā nahīñ us ne kidhar dekhā

ta.ayyun bar-taraf maqsūd mujh ko sajda karnā thā

na ham ne rahguzar dekhī na ham ne sañg-e-dar dekhā

nazar aatā na thā jo gard-e-afkār-o-havādis meñ

vo sāhil aañkh ne tūfān-e-ġham meñ Duub kar dekhā

tumhāre sañg-e-dar ko sañg-e-dar maiñ kis tarah samjhūñ

ki jab sajda kiyā sar ko jabīn-e-arsh par dekhā

ajab manzil thī ai 'sīmāb' apnī manzil-e-hastī

na mauqa.a thā Thaharne kā na yārā-e-safar dekhā

jo mere tangna-e-dil mein tujh ko jalwa-gar dekha

meri nazron ne hairat se mujhi ko umr bhar dekha

tasawwur ki hadon mein bhi samana jin ka mushkil tha

nazar walon ne un jalwon ko ta-hadd-e-nazar dekha

sab apne dil mein ek tir-e-nazar mahsus karte hain

magar koi bata sakta nahin us ne kidhar dekha

tayyun bar-taraf maqsud mujh ko sajda karna tha

na hum ne rahguzar dekhi na hum ne sang-e-dar dekha

nazar aata na tha jo gard-e-afkar-o-hawadis mein

wo sahil aankh ne tufan-e-gham mein Dub kar dekha

tumhaare sang-e-dar ko sang-e-dar main kis tarah samjhun

ki jab sajda kiya sar ko jabin-e-arsh par dekha

ajab manzil thi ai 'simab' apni manzil-e-hasti

na mauqa tha Thaharne ka na yara-e-safar dekha