jo mere dil mein hai logon se chhupaun kis tarah

jo mire dil meñ hai logoñ se chhupā.ūñ kis tarah

kāñch ke is shahr ko 'ḳhālid' bachā.ūñ kis tarah

tū to pahle se bhī ab ma.asūm hai mere liye

maiñ tirī 'izzat ko miTTī meñ milā.ūñ kis tarah

apnā paikar bhī mujhe zindāñ nazar aane lagā

kashmakash meñ huuñ rihā.ī ḳhud se pā.ūñ kis tarah

maiñ kisī ke adl kī TuuTī huī zanjīr huuñ

mujh pe jo biitī hai duniyā ko batā.ūñ kis tarah

dekh kis aks-e-muqābil jism patthar ho gayā

chhoḌ kar ab ā.ina-ḳhāne ko jā.ūñ kis tarah

jāgte lamhoñ kī zanjīroñ meñ huuñ jakḌā huā

ḳhvāb kī dīvār ke saa.e meñ aa.uuñ kis tarah

ratjagoñ ke shahr meñ jā kar use kyā ho gayā

vo to kahtā thā ki maiñ tujh ko bhulā.ūñ kis tarah

jo mere dil mein hai logon se chhupaun kis tarah

kanch ke is shahr ko 'KHalid' bachaun kis tarah

tu to pahle se bhi ab masum hai mere liye

main teri 'izzat ko miTTi mein milaun kis tarah

apna paikar bhi mujhe zindan nazar aane laga

kashmakash mein hun rihai KHud se paun kis tarah

main kisi ke adl ki TuTi hui zanjir hun

mujh pe jo biti hai duniya ko bataun kis tarah

dekh kis aks-e-muqabil jism patthar ho gaya

chhoD kar ab aaina-KHane ko jaun kis tarah

jagte lamhon ki zanjiron mein hun jakDa hua

KHwab ki diwar ke sae mein aaun kis tarah

ratjagon ke shahr mein ja kar use kya ho gaya

wo to kahta tha ki main tujh ko bhulaun kis tarah