jo motariz khaDe hain meri is uDan par

jo mo'tariz khaḌe haiñ mirī is uḌaan par

shikva na un se hai na shikāyat zabān par

vo ham se phir milegā kisī āsmān par

ham haiñ ki jī rahe haiñ faqat is gumān par

pahuñchegā tiir merā ye apne nishān par

itnā yaqīn mujh ko hai apnī kamān par

taare mirī zamīñ pe jo saare utaar de

maiñ us ke sañg sañg uḌuuñ āsmān par

kab maiñ ne koī baat nirālī hai kī yahāñ

kyuuñ sab machal ga.e haiñ mire ik bayān par

mahshar na ho bapā to ho phir aur kyā batā

sab ko yaqīñ hai us kī ġhazab dāstān par

tum ne kahā ki maan tumheñ merī chaah par

dil tum ko de rahī huuñ tumhāre hī maan par

hālāñki ūñch-nīch se vāqif nahīñ magar

ham kar rahe ġhurūr haiñ urdu zabān par

jo mo'tariz khaDe hain meri is uDan par

shikwa na un se hai na shikayat zaban par

wo hum se phir milega kisi aasman par

hum hain ki ji rahe hain faqat is guman par

pahunchega tir mera ye apne nishan par

itna yaqin mujh ko hai apni kaman par

tare meri zamin pe jo sare utar de

main us ke sang sang uDun aasman par

kab main ne koi baat nirali hai ki yahan

kyun sab machal gae hain mere ek bayan par

mahshar na ho bapa to ho phir aur kya bata

sab ko yaqin hai us ki ghazab dastan par

tum ne kaha ki man tumhein meri chah par

dil tum ko de rahi hun tumhaare hi man par

haalanki unch-nich se waqif nahin magar

hum kar rahe ghurur hain urdu zaban par