jo mohabbat ko iKHtiyar kare

jo mohabbat ko iḳhtiyār kare

harf-e-matlab na āshkār kare

aadmī ko buland rahnā hai

pastiyoñ ko na iḳhtiyār kare

hai vo insān qadr ke qābil

ādamiyat ko jo shi.ār kare

ham to mar miT chuke haiñ jiite jī

maut kā kaun intizār kare

ham bhī rakhte haiñ pās-e-ḳhuddārī

kaun iz.hār-e-hāl-e-zār kare

chaak hai jis kā dāman-e-hastī

kyoñ garebāñ ko tār-tār kare

shauq hai jis ko ḳhaak hone kā

maz.hab-e-ishq iḳhtiyār kare

ham haiñ masrūf-e-dīd-e-mus.haf-e-ruḳh

kaun nazzāra-e-bahār kare

nabz Duubī marīz-e-ulfat kī

chāra-gar ḳhaak kyā shumār kare

jo mohabbat ko iKHtiyar kare

harf-e-matlab na aashkar kare

aadmi ko buland rahna hai

pastiyon ko na iKHtiyar kare

hai wo insan qadr ke qabil

aadamiyat ko jo shiar kare

hum to mar miT chuke hain jite ji

maut ka kaun intizar kare

hum bhi rakhte hain pas-e-KHuddari

kaun izhaar-e-haal-e-zar kare

chaak hai jis ka daman-e-hasti

kyon gareban ko tar-tar kare

shauq hai jis ko KHak hone ka

mazhab-e-ishq iKHtiyar kare

hum hain masruf-e-did-e-mushaf-e-ruKH

kaun nazzara-e-bahaar kare

nabz Dubi mariz-e-ulfat ki

chaara-gar KHak kya shumar kare