jo muKHtasar hai use be-hisab kar dena

jo muḳhtasar hai use be-hisāb kar denā

vo jāntā hai agan ko bhī aab kar denā

har ek ke liye mumkin nahīñ mohabbat meñ

kisī charāġh ko ik āftāb kar denā

mirī vo koshisheñ chehre pe 'ishq paḌhne kī

vo un kā 'ishq meñ chehra kitāb kar denā

kamāl ye nahīñ phūloñ ko ḳhaar kar deñ ham

kamāl hai koī kāñTā gulāb kar denā

maiñ un ke ġham meñ kabhī pī ke jhūmnā chāhūñ

mire ḳhudā mire aañsū sharāb kar denā

kabhī daġhā jo karūñ un se to mire maulā

mirī ye zindagī phir se 'azāb kar denā

jo muKHtasar hai use be-hisab kar dena

wo jaanta hai agan ko bhi aab kar dena

har ek ke liye mumkin nahin mohabbat mein

kisi charagh ko ek aaftab kar dena

meri wo koshishen chehre pe 'ishq paDhne ki

wo un ka 'ishq mein chehra kitab kar dena

kamal ye nahin phulon ko KHar kar den hum

kamal hai koi kanTa gulab kar dena

main un ke gham mein kabhi pi ke jhumna chahun

mere KHuda mere aansu sharab kar dena

kabhi dagha jo karun un se to mere maula

meri ye zindagi phir se 'azab kar dena