jo mumkin ho to soz-e-shama parwane mein rakh dena

jo mumkin ho to soz-e-sham.a parvāne meñ rakh denā

ab is afsāne kā unvān afsāne meñ rakh denā

baḌī kāfir kashish īmāñ meñ hai ai āzim-e-ka.aba

na le jaanā dil apne saath but-ḳhāne meñ rakh denā

mirā dil bhī sharāb-e-ishq se labrez hai saaqī

ye botal bhī uḌā kar kaag maiḳhāne meñ rakh denā

abhī ā.īna-e-tasvīr abhī hushyār abhī ġhāfil

tumheñ aatā hai har andāz dīvāne meñ rakh denā

mirā paimāna-e-hastī agar saaqī chhalak jaa.e

mire hisse kā ḳhālī jaam maiḳhāne meñ rakh denā

sharīk-e-mai janāb-e-shaiḳh bhī ho jā.eñge saaqī

zarā zarf-e-vazū kā Dhañg paimāne meñ rakh denā

ye kyā dast-e-ajal ko kaam sauñpā hai mashiyyat ne

chaman se toḌnā phuul aur vīrāne meñ rakh denā

vafūr-e-yās meñ 'qaisar' chale haiñ dil se chand aañsū

ye lāsheñ haiñ inheñ āñkhoñ ke ḳhas-ḳhāne meñ rakh denā

jo mumkin ho to soz-e-shama parwane mein rakh dena

ab is afsane ka unwan afsane mein rakh dena

baDi kafir kashish iman mein hai ai aazim-e-kaba

na le jaana dil apne sath but-KHane mein rakh dena

mera dil bhi sharab-e-ishq se labrez hai saqi

ye botal bhi uDa kar kag maiKHane mein rakh dena

abhi aaina-e-taswir abhi hushyar abhi ghafil

tumhein aata hai har andaz diwane mein rakh dena

mera paimana-e-hasti agar saqi chhalak jae

mere hisse ka KHali jam maiKHane mein rakh dena

sharik-e-mai janab-e-shaiKH bhi ho jaenge saqi

zara zarf-e-wazu ka Dhang paimane mein rakh dena

ye kya dast-e-ajal ko kaam saunpa hai mashiyyat ne

chaman se toDna phul aur virane mein rakh dena

wafur-e-yas mein 'qaisar' chale hain dil se chand aansu

ye lashen hain inhen aankhon ke KHas-KHane mein rakh dena