jo nahin rakhni thin wo sab chuppiyan mahfuz hain

jo nahīñ rakhnī thiiñ vo sab chuppiyāñ mahfūz haiñ

aap ko bhejī nahīñ jo chiTThiyāñ mahfūz haiñ

jism se zinda huuñ lekin man mirā hai mar chukā

yā'nī bal to jal chuke haiñ rassiyāñ mahfūz haiñ

aa gayā daftar meñ kyoñ maiñ ghar se bach kar aaj bhī

jab ki merī saal bhar kī chhuTTiyāñ mahfūz haiñ

tab talak dene paḌeñge paas hone ke subūt

dūriyāñ jab tak hamāre darmiyāñ mahfūz haiñ

muflisoñ ko dī thiiñ jitnī aap ne vo sab ki sab

nāma-e-ā'māl meñ vo siskiyāñ mahfūz haiñ

sochtā huuñ yaad aanā aap kā āḳhir hai kyā

jal chukā hai peḌ to kyoñ pattiyāñ mahfūz haiñ

dil meñ terī yaad kī jo bas ga.ī haiñ bastiyāñ

jal rahā hai dil magar vo bastiyāñ mahfūz haiñ

is qadar ḳhud ko satānā zaḳhm khānā bhūlnā

aap meñ 'kāmil' ye kaisī ḳhūbiyāñ mahfūz haiñ

jo nahin rakhni thin wo sab chuppiyan mahfuz hain

aap ko bheji nahin jo chiTThiyan mahfuz hain

jism se zinda hun lekin man mera hai mar chuka

ya'ni bal to jal chuke hain rassiyan mahfuz hain

aa gaya daftar mein kyon main ghar se bach kar aaj bhi

jab ki meri sal bhar ki chhuTTiyan mahfuz hain

tab talak dene paDenge pas hone ke subut

duriyan jab tak hamare darmiyan mahfuz hain

muflison ko di thin jitni aap ne wo sab ki sab

nama-e-a'mal mein wo siskiyan mahfuz hain

sochta hun yaad aana aap ka aaKHir hai kya

jal chuka hai peD to kyon pattiyan mahfuz hain

dil mein teri yaad ki jo bas gai hain bastiyan

jal raha hai dil magar wo bastiyan mahfuz hain

is qadar KHud ko satana zaKHm khana bhulna

aap mein 'kaamil' ye kaisi KHubiyan mahfuz hain