jo narm lahje mein baat karna sikha gaya hai
jo narm lahje meñ baat karnā sikhā gayā hai
vo shaḳhs 'imdād' mujh ko kundan banā gayā hai
mohabbatoñ ke nagar se aayā thā jo payāmī
girā ke dīvār nafratoñ kī chalā gayā hai
maiñ vo musāfir huuñ jis kā koī nahīñ Thikānā
ye nā-rasā.ī kā zaḳhm mujh ko rulā gayā hai
musālahat kā paḌhā hai jab se nisāb maiñ ne
salīqa duniyā meñ zinda rahne kā aa gayā hai
yahāñ ke karbal meñ koī tishna-dahan nahīñ hai
vo fauj nahr-e-furāt par kyuuñ biThā gayā hai
maiñ us musāfir ko yaad kar ke mutma.in huuñ
jo Dher saarī duā.eñ de ke chalā gayā hai
jo narm lahje mein baat karna sikha gaya hai
wo shaKHs 'imdad' mujh ko kundan bana gaya hai
mohabbaton ke nagar se aaya tha jo payami
gira ke diwar nafraton ki chala gaya hai
main wo musafir hun jis ka koi nahin Thikana
ye na-rasai ka zaKHm mujh ko rula gaya hai
musalahat ka paDha hai jab se nisab main ne
saliqa duniya mein zinda rahne ka aa gaya hai
yahan ke karbal mein koi tishna-dahan nahin hai
wo fauj nahr-e-furaat par kyun biTha gaya hai
main us musafir ko yaad kar ke mutmain hun
jo Dher sari duaen de ke chala gaya hai
- Book : Pakistani Adab (Pg. 352)
- Author : Dr. Rashid Amjad
- Publication : Pakistan Academy of Letters, Islambad, Pakistan (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
