jo nazar kiya main sifat mein hua mujh pe kab ye ayan nahin

jo nazar kiyā maiñ sifāt meñ huā mujh pe kab ye ayaañ nahīñ

mirī zaat ain kī ain hai vahāñ dūsrī kā nishāñ nahīñ

vahī do jahāñ meñ hai muftaḳhar jaise ainiyat kī huī ḳhabar

vahī hukmarāñ hai jahān meñ vahāñ kufr-o-dīñ kā gumāñ nahīñ

rahe ġhairiyat ke hijāb meñ jo ḳhudā-numā se nahīñ mile

jo ḳhudā ko un se talab kiye rahī baat un pe nihāñ nahīñ

jise ho subūt vajūd kā vahī haq-shanās hai bā-ḳhabar

unheñ jumla aave ḳhudā nazar vo ḳhudā ko dekhe kahāñ nahīñ

maiñ vatan meñ aap safar kiyā jo qadam ko apnī nazar kiyā

milā apnā aap pata mujhe jahāñ ġhairiyat kā bayāñ nahīñ

maiñ to ek 'markaz'-e-dahr huuñ jo ḳhudā-numā ke nishān se

jo batā.ūñ haq kā pata jise rahe baaqī us ko gumāñ nahīñ

jo nazar kiya main sifat mein hua mujh pe kab ye ayan nahin

meri zat ain ki ain hai wahan dusri ka nishan nahin

wahi do jahan mein hai muftaKHar jaise ainiyat ki hui KHabar

wahi hukmaran hai jahan mein wahan kufr-o-din ka guman nahin

rahe ghairiyat ke hijab mein jo KHuda-numa se nahin mile

jo KHuda ko un se talab kiye rahi baat un pe nihan nahin

jise ho subut wajud ka wahi haq-shanas hai ba-KHabar

unhen jumla aawe KHuda nazar wo KHuda ko dekhe kahan nahin

main watan mein aap safar kiya jo qadam ko apni nazar kiya

mila apna aap pata mujhe jahan ghairiyat ka bayan nahin

main to ek 'markaz'-e-dahr hun jo KHuda-numa ke nishan se

jo bataun haq ka pata jise rahe baqi us ko guman nahin