jo nek rahon se hum bhi guzar gae hote

jo nek rāhoñ se ham bhī guzar ga.e hote

ḳhalā meñ aaj yaqīnan ubhar ga.e hote

tumhāre saath gunāhoñ meñ hote shāmil to

sazā-e-maut se pahle hī mar ga.e hote

tumheñ zamīñ kī haqīqat kī bhī ḳhabar hotī

bulandiyoñ se agar tum utar ga.e hote

shikāriyoñ kī samajhte na sāzisheñ ham to

hamāre pankh to kab ke katar ga.e hote

ra.iis log the mahfil meñ aap kī shāyad

to ham zalīl hī hote agar ga.e hote

hamāre paas na aate to koī baat na thī

jo aa ga.e the to le kar ḳhabar ga.e hote

talāsh-e-rizq meñ khāte haiñ dhuul shahroñ kī

huī thī shaam 'nazar' ham bhī ghar ga.e hote

jo nek rahon se hum bhi guzar gae hote

KHala mein aaj yaqinan ubhar gae hote

tumhaare sath gunahon mein hote shamil to

saza-e-maut se pahle hi mar gae hote

tumhein zamin ki haqiqat ki bhi KHabar hoti

bulandiyon se agar tum utar gae hote

shikariyon ki samajhte na sazishen hum to

hamare pankh to kab ke katar gae hote

rais log the mahfil mein aap ki shayad

to hum zalil hi hote agar gae hote

hamare pas na aate to koi baat na thi

jo aa gae the to le kar KHabar gae hote

talash-e-rizq mein khate hain dhul shahron ki

hui thi sham 'nazar' hum bhi ghar gae hote