jo nish-e-gham se be-parwa na hoga

jo nīsh-e-ġham se be-parvā na hogā

tumhārā chāhne vaalā na hogā

jo terī yaad meñ aañsū bahegā

vo jānāñ gauhar-e-yak-dāna hogā

hasīn-o-mah-jabīñ hoñge jahāñ meñ

magar kāfir adā tujh sā na hogā

hai tū parde meñ aur shor ik jahāñ meñ

ye parda jab uThā phir kyā na hogā

taḌap jis dil meñ yazdāñ kī na hogī

to ahrīman kā vo kāshāna hogā

gulistāñ aaj sarmast-e-navā hai

chaman meñ jalva-e-jānāna hogā

na ho shā'ir jo sham-e-bazm-e-hastī

jahāñ meñ ishq kā jalvā na hogā

na hoñge ham navāsanj-e-bahārāñ

to gulzār-e-jahāñ vīrāna hogā

na chheḌeñ ham agar tār-e-rag-e-jāñ

navā-e-zindagī paidā na hogā

ruḳh-e-zebā kī tasvīr-e-ḳhyālī

tire 'nāzir' kā ye nazrāna hogā

jo nish-e-gham se be-parwa na hoga

tumhaara chahne wala na hoga

jo teri yaad mein aansu bahega

wo jaanan gauhar-e-yak-dana hoga

hasin-o-mah-jabin honge jahan mein

magar kafir ada tujh sa na hoga

hai tu parde mein aur shor ek jahan mein

ye parda jab uTha phir kya na hoga

taDap jis dil mein yazdan ki na hogi

to ahriman ka wo kashana hoga

gulistan aaj sarmast-e-nawa hai

chaman mein jalwa-e-jaanana hoga

na ho sha'ir jo sham-e-bazm-e-hasti

jahan mein ishq ka jalwa na hoga

na honge hum nawasanj-e-bahaaran

to gulzar-e-jahan virana hoga

na chheDen hum agar tar-e-rag-e-jaan

nawa-e-zindagi paida na hoga

ruKH-e-zeba ki taswir-e-KHyali

tere 'nazir' ka ye nazrana hoga