jo pardon mein KHud ko chhupae hue hain
jo pardoñ meñ ḳhud ko chhupā.e hue haiñ
qayāmat vahī to uThā.e hue haiñ
tirī anjuman meñ jo aa.e hue haiñ
ġham-e-do-jahāñ ko bhulā.e hue haiñ
koī shaam ke vaqt aa.egā lekin
sahar se ham āñkheñ bichhā.e hue haiñ
jahāñ bijliyāñ ḳhud amaañ DhūñDhtī haiñ
vahāñ ham nasheman banā.e hue haiñ
ġhazal aabrū hai to urdu zabāñ kī
tirī aabrū ham bachā.e hue haiñ
ye ash.ār yuuñ hī nahīñ dard-āgīñ
'hafīz' aap bhī choT khaa.e hue haiñ
jo pardon mein KHud ko chhupae hue hain
qayamat wahi to uThae hue hain
teri anjuman mein jo aae hue hain
gham-e-do-jahan ko bhulae hue hain
koi sham ke waqt aaega lekin
sahar se hum aankhen bichhae hue hain
jahan bijliyan KHud aman DhunDhti hain
wahan hum nasheman banae hue hain
ghazal aabru hai to urdu zaban ki
teri aabru hum bachae hue hain
ye ashaar yun hi nahin dard-agin
'hafiz' aap bhi choT khae hue hain
- Book : Safeer-e-shar-e-dil (Pg. 383)
- Author : Hafeez Banarsi
- Publication : Hafeez Banarsi (2007)
- Edition : 2007
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
