jo parwane ke qabze mein dil-e-mastana ho jae

jo parvāne ke qabze meñ dil-e-mastāna ho jaa.e

ba-zor-e-jazb-fitrī sham.a ḳhud parvāna ho jaa.e

mirī ujḌī huī mahfil meñ tum ik baar aa jaao

abhī dair-o-haram meñ ḳhaak uḌe vīrāna ho jaa.e

na aanā haañ na aanā tum vahīñ rahnā vahīñ rahnā

kahīñ bīmār-e-hijrāñ diid se achchhā na ho jaa.e

na pūchho hāl-e-dil ummīd bañdh ke TuuT jaatī hai

yagāna ban ke phir koī agar begāna ho jaa.e

tumheñ hai iḳhtiyār ābād yā barbād kar Daalo

bahar-sūrat mukammal ab mirā afsāna ho jaa.e

ye ḳhuddārī kī daulat jis ko mil jaa.e zamāne meñ

ḳhudī bhūle vo hast-o-būd se begāna ho jaa.e

mirā dil toḌ kar barbād karte to haiñ vo 'ālim'

ye musht-e-ḳhāk miT kar ik na.ī duniyā na ho jaa.e

jo parwane ke qabze mein dil-e-mastana ho jae

ba-zor-e-jazb-fitri shama KHud parwana ho jae

meri ujDi hui mahfil mein tum ek bar aa jao

abhi dair-o-haram mein KHak uDe virana ho jae

na aana han na aana tum wahin rahna wahin rahna

kahin bimar-e-hijran did se achchha na ho jae

na puchho haal-e-dil ummid bandh ke TuT jati hai

yagana ban ke phir koi agar begana ho jae

tumhein hai iKHtiyar aabaad ya barbaad kar Dalo

bahar-surat mukammal ab mera afsana ho jae

ye KHuddari ki daulat jis ko mil jae zamane mein

KHudi bhule wo hast-o-bud se begana ho jae

mera dil toD kar barbaad karte to hain wo 'alim'

ye musht-e-KHak miT kar ek nai duniya na ho jae